Chelsea wabanwa mbavu darajani, Man U,PSG,Barcelona wakaribia 16 Bora

Mwandishi Unknown

Wednesday, October 18, 2017

Chelsea wabanwa mbavu darajani, Man U wakaribia 16 Bora

Timu ya Chelsea ya London Uingereza jana ikiwa ndani ya Uwanja wake wa nyumbani imekubali sare ya goli 3 – 3 na timu ya AS Roma ya Italia.

Chelsea ndio waliotangulia kutikisa nyavu za wapinzani mara mbili katika kipindi cha kwanza na washaiki wakajua lazima Chelsea ingeondoka na lundo la magoli.

Ilikuwa ni dakika ya 11 ambapo David Luiz aliipatia uongozi Chelsea, na dakika ya 37 Eden Hazard aliipatia Chelsea goli la pili, AS Roma walijiuliza na dakika ya 40 Aleksandar Kolarov aliipatia AS Roma goli kwanza.

Mpaka kipindi cha kwanza kinamalizika Chelsea 2 – 1 AS Roma.

Kipindi cha pili AS Roma walionekana bora zaidi na dakika ya 64 Edin Dzeko aliisawazishia timu yake baada ya kazi safi ya Federico Fazio.

Kasi ya AS Roma ilizaa matunda baada ya Dzeko tena kuifungia timu yake goli la tatu na kuisadia timu yake kuiongoza Chelsea hadi dakika ya 75 ambapo Eden Hazard aliisawazishia Chelsea.

Mpaka mpira unamalizika Chelsea 3 – 3 AS Roma.

Kitu kizuri kwenye mchezo wa jana ni kuwa na kadi moja tu njano kwa dakika zote 90 na kadi hiyo alipewa mchezaji wa Chelsea Tiemoue Bakayoko