Muosha Huoshwa, Real Madrid 2 - 3 Barcelona ndani ya Estadio Santiago Bernabeu

Mwandishi Unknown

Sunday, April 23, 2017

Wakiwa wanaamini mpira umeisha Real Madrid walijikuta wakilowa mbele ya mashabiki wake 81044 katika dimba lao la  Estadio Santiago Bernabeu kwa goli 3 kwa mbili.

Shujaa wa mchezo huu alikuwa ni muagentina Lionel Messi ambae alifanya anavyotaka uwanjani huku hasimu wake mkuu Ronaldo akiwa haonekani.

Kadi ya njano ndani ya dakika ya 12 kwa Casemiro baada ya kumkwatua Lionel Messi ilimfanya mbazili huyo kucheza kwa tahadhari sana kuepuka kadi nyekundu.

Madrid ndio walikuwa wa kwanza kupata goli mnamo dakika ya 28 kupitia kwa kiungo Mbrazil Casemiro ambae aliunganisha mpira uliopigwa na Bale huku wachezaji wa Barcelona wakizani ameotea.

Dakika ya 33 Rakitic alimpigia pasi Messi akiwa ndani ya 18 nae bila ajizi alimpiga chenga Carvajal na kuukwamisha mpira wavuni na kufanya Matokeo kusomeka 1 – 1.

Kipindi cha pili dakika ya 73 Ivan Rakitic alifunga goli zuri kwa kuupeleka mpira upande wa kulia wa goli na kuifanya Barcelona kuwa mbele kwa goli 2.

77’ Sergio Ramos alimrukia Messi kwa lengo la kumuumiza na alipewa kadi nyekundu ya moja kwa moja.

Madrid walicharuka baada ya tukio hilo na kuliandama goli la Barcelona lakini uhodari wa Marc-Andre ter Stegen uliwakosesha goli.

Mchezaji alieingia akitokea benchi 82’ James Rodriguez aliunganisha vizuri mpira uliopigwa na Marcelo na kuipatia Real goli la pili mnamo dakika ya 86.

Dakika za nyongeza ndio ambazo Madrid hawata kaa wazisahau milele pale walipofanya shambulio langoni mwa Barcelona na kupokonywa mpira na Sergi Roberto aliekimbia nao kutoka nyuma ya mstari wa katikati mpaka kwenye 18 ya Real upande wa kushoto na kupiga pasi murua kwa Alba ambae alimuachia Messi na kuipatia timu yake goli la 3.

Kitu kizuri kwa messi leo n kuikisha magoli 500 akiitumikia Barcelona

Kwa Matokeo hayo Barcelona wanaongoza ligi kuu ya Hispania kwa tofauti ya magoli ya kufunga na kufungwa.

Barcelona imefunga magoli 94 na kufungwa 32 hivyo tofauti ni 62

Madrid imefunga magoli 84 na kufungwa 36 hivyo tofauti ni 48

Millionaire  Ads

Share :

Facebook Twitter Google+