Tanzania 0 - 1 Niger, Serengeti Boys out CAFU17

Mwandishi Unknown

Sunday, May 21, 2017

Timu ya taifa ya Tanzania chini ya umri wa miaka 17 imeyaaga mashindano ya mataifa ya Afrika ya vijana chini ya umri wa miaka 17  baada ya kukubali kipigo cha goli 1- 0 toka kwa Niger.

Tunaweza kusema bahati haikuwa kwa Tanzania ambao muda mwingi walionekana kucheza kwa kujiamini na kushambulia mara kwa mara huku Niger wao wakicheza kwa tahadhari na kujiangusha angusha ili muda uende na kutumia mipira mirefu kwa kushtukiza.

Goli pekee katika mchezo huo limefungwa na Ibrahim baada ya mpira ambao golikipa wa Tanzania alidhani umetoka kurudishwa ndani na kumkuta mfungaji alieiwezesha timu yake kutinga nusu fainali katika dakika ya 42.

Tanzania sasa inarudi nyumbani na ndoto zake kwenda India kombe la Dunia zimeishia hapo.
timu ya Tanzania imelingana pointi na Niger, ila Niger wanapata faida ya kuifunga Tanzania, na hivyo kusonga mbele.

Vijana wamejitahidi ila bahati haikuwa upande wao.

Kwa upande wa mechi nyingine ya kundi B Mali imetoa onyo kali baada ya kuifunga Angola 6 – 1.

Millionaire  Ads

Share :

Facebook Twitter Google+