WADHAMINI WAENDELEA KUMIMINIKA SINGIDA UTD

Mwandishi Unknown

Thursday, August 3, 2017

Ule usemi wa kizuri chajiuza umedhihirika katika timu ya Singida Utd baada ya leo Alhamis August 3, 2017 kutangaza mdhamini mpya.

Mdhamini huyo ambae ni kampuni ya utengenezaji wa mbolea ya YARA Tanzania kutoka Norway  ametambulishwa leo jijini Dar es salaam na mkurugenzi wa kilabu hiyo Sanga Festo.

Sanga amesema “udhamini huo mpya habari njema za kiuchumi kwa klabu yao”.

Mkuugenzi huyo wa Singida United aliendelea kusema wanaendelea kutafuta wadhamini wengine ambapo kwa sasa wapo kwenye mazungumzo na makampuni mengine zaidi.

“Singida United ni kampuni kwahiyo tunajishughulisha na mambo mengi ikiwemo kilimo kwa hiyo tunaamini udhamini huu utasaidia ekari zetu 10,000 kupata mbolea,” alisema Sanga.

Mkurugenzi wa kampuni ya YARA, Alexander Macedo amesema wameamua kuidhamini klabu hiyo kwa kua anapenda mpira na kilimo na anaamini kupitia wao vijana wengi wa Tanzania watapata ajira.

Mpaka sasa Singida ndio timu yenye wadhamini wengi nchini, inawazamini zaidi ya 6 ambao ni SportPesa, Puma, Oryx,NMB, Halotel na sasa YARA, ukiachilia mbali wadhamini wa ligi kuu ambao ni Vodacom na Azam media

Millionaire  Ads

Share :

Facebook Twitter Google+