Arsenal 2 – 1 Chelsea yatwaa kombe la FA mbele ya Chelsea, washabiki wa Arsenal roho kwatuuu

Mwandishi Unknown

Sunday, May 28, 2017

Unaweza kusema ulikuwa usiku mzuri sana kwa Washabiki wa Arsenal na Simba ya Tanzania kwa kutwaa mataji kila timu kwa ushindi unaofanana.

Dakika ya 4 tu Arsenal walianza maandalizi ya kutwaa ya kombe hilo pale Alex Sanchez alipoiandikia timu yake goli la kwanza baada ya beki wa Chelsea kukosea kuondosha mpira kwenye eneo la hatari.

Dakika ya 57 na 68 Victor Moses wa Chelsea alipewa kadi za njano ambazo zilisababisha apewe kadi nyekundu na kuifanya Chelsea kucheza pungufu kwa dakika zilizobaki.

Dakika ya 76 Diego Costa aliisawazishia Chelsea goli baada ya mbrazil Willian kupiga pasi safi langoni mwa Arsenal.

Wenger alifanya badiliko la kiufundi zaidi kwa kumtoa Danny Welbeck na kumuingiza Olivier Giroud katika dakika ya 78.

Mambo yaliiva pale fundi wa mpira na asie na papara uwanjani Ozil pale alipomimina pasi safi na kutua kichwani mwa Ramsey aliepiga kichwa cha kuogelea katika dakika ya 79 na kuipa timu ya Arsenal taji la kwanza msimu huu mbele ya timu bora msimu huu na mabingwa wa EPL Chelsea.

Takwimu za mchezo huo zinaonyesha kuwa Arsenal walimiliki mpira kwa 52% zaidi ya Chelsea ambao wao walikuwa na 48%

Arsenal walitumia mfumo wa 3:4:2:1

Chelsea walitumia mfumo wa 3:4:3

Kwa Matokeo ya jana Arsenal sasa ndio vinara wa kutwaa kombe la FA, wamelitwaa mara 13 na kuwaacha Manchester United katika nafasi ya pili kwa kulitwaa mara 12.

Refarii: Anthony Taylor (England)

Watazamaji: 89472

Uwanja: Wembley

picha zaidi: