AISHI MANULA NDANI YA UZI MWEKUNDU, KESHO NDANI YA KIKOSI KUWAVAA ORLANDO PIRATES

Mwandishi Unknown

Monday, July 31, 2017

*TAARIFA KWA VYOMBO VYA HABARI*
____________________________________________

Golikipa wa kimataifa wa Tanzania Aishi Salum Manula kesho tarehe moja,anatarajiwa kujiunga rasimi na kambi ya klabu yetu ya Simba iliopo Eden Vale Johannesburg, nchini Afrika kusini.

Manula ambae ndio Golikipa namba moja wa nchi hii ameshamalizana kila kitu kuhusu kujiunga na klabu yetu,na ameahidi kuwapa furaha wanachama na washabiki wetu,sambamba na kuisaidia klabu kushinda mataji itakayowania msimu huu.

Wakati huo huo kesho timu ya Simba inatarajiwa kucheza mechi ya kwanza ya maandalizi ya msimu dhidi ya mabingwa wa zamani wa Afrika Orlando Pirates ya nchini Afrika kusini.

Orlando ambayo ndio klabu maarufu zaid nchini humo,imeahidi kushusha silaha zake zote muhimu ili kuwapa maandalizi ya kutosha Simba,Mchezo huo unatarajiwa kuchezwa kwenye dimba la Orlando liliopo jijini Johannesburg.

Mechi nyingine ya mwisho itakayochezwa na Simba nchini humo itapigwa siku ya Alhamis ya wiki hii dhidi ya mabingwa wa soka nchini humo kwa sasa Bidvest

*Mwisho*

klabu ya Simba kesho inawaalika waandishi wa habari kwenye mkutano wake utakaofanyika kwenye Ukumbi wa Kilenga uliopo jengo la New Millenium,mkabala na kijiji cha Makumbusho,Kijitonyama hapa jijini Dar es salaam
Mkutano huo kwa waandishi tu,unatarajiwa kuanza saa Nne na nusu asubuhi.

IMETOLEWA NA...

*HAJI MANARA*

MKUU WA HABARI WA SIMBA

*SIMBA NGUVU MOJA*

Millionaire  Ads

Share :

Facebook Twitter Google+