TANZANIA VS LESOTHO, COSAFA CUP MSHINDI WA TATU NI ZAIDI YA MECHI KWA TANZANIA

Mwandishi Unknown

Friday, July 7, 2017

Leo majira ya saa 20:30 usiku timu ya taifa ya Tanzania Taifa stars itashuka uwanjani kukipiga na timu ya taifa ya Lesotho katika mchezo wa kuwania mshindi wa tatu katika michuano ya COSAFA.

Mwaka 2015 Lesotho waliifunga Tanzania goli 1- 0 katika michuano hii ya COSAFA.

Tanzania na Lesotho hii ni mara ya pili ndani ya mwaka huu wa 2017 kukutana.

Mara ya kwanza kwa mwaka 2017 timu hizi zilikutana katika michuano ya kufuzu kwa kombe la mataifa ya Afrika katika Uwanja wa Azam Complex jijini Dar es salaam na timu hizo kutoka sare ya goli 1 – 1.

Wakati huo Tanzania ilikuwa nafasi ya 139 katika viwango vya soka duniani wakati Lesotho wao wakikamata nafasi ya 121.

Leo zinakutana ikiwa Tanzania wameipiku Lesotho kwenye viwango vya ubora vya Dunia, Tanzania ipo nafasi ya 114 Duniani wakati Lesotho wao wakiwa nafasi 138.

Hii inatoa tafsri kuwa Tanzania ni lazima washinde mechi leo ili kujiongezea alama katika viwango vya soka Duniani.

Endapo Tanzania itapata Matokeo hasi basi kuna uwezekano mkubwa tukapoteza alama nyingi kwenye shirikisho la soka ulimwenguni FIFA.

Hivyo leo kwa Tanzania ni zaidi ya mechi ya mshindi wa tatu.

Millionaire  Ads

Share :

Facebook Twitter Google+