Kikosi cha Simba kimewasili salama jijini Dar es salaam kikitokea kisiwani unguja kilipokuwa kimeweka kambi TANGU Jumatatu August 14, 2017 kwa maandalizi dhidi ya watani zao wa jadi Yanga.
Simba walipokuwa kisiwani Zanzibar walicheza michezo miwili na kushinda mmoja dhidi ya Gulioni FC kwa goli 5 kwa 0 pia ilicheza na mlandege na kutoka sare 0 kwa 0
WAKATI HUOHUO
Kocha msaidizi wa Simba Jackson Mayanja amewatoa hofu mashabiki wa timu hiyo kuelekea mechi ya Ngao ya Jamii dhidi ya Yanga kuhusu hali ya Mohamed Hussein ambaye aliumia kwenye mechi ya kirafiki dhidi ya Gulioni.
“Tshabalala atakuwa vizuri hana tabu yoyote, tunashukuru sana mapokezi ya mashabiki wetu wote wametupokea vizuri naomba waje kwa wingi siku ya Jumatano kwenye mechi ya Ngao ya Jamii,” Jackson Mayanja.
“Waje kwa sababu hii ni timu yao, Simba Nguvu Moja lazima waje kwa wingi kwa sababu hiyo ni mechi ya derby.”
Tshabalala alicheza kwa mara ya kwanza dhidi ya Gulioni tangu alipoumia kwenye mechi ya fainali ya kombe la Azam Sports Federation Cup May 27, 2017 Simba ilipocheza dhidi ya Mbao FC kwenye uwanja wa Jamhuri Dodoma.
Millionaire Ads
0 Comment untuk "SIMBA WATUA DAR SALAMA TAYARI KUIKABILI YANGA"