Manchester City wawasha indiketa ya ubingwa yaipiga Arsenal 3 na kutengeneza gepu la pointi 8

Mwandishi Unknown

Sunday, November 5, 2017

Manchester City msimu huu ni wa moto na kila timu inayokutana nayo ni kipigo tu.

Hayo yamejidhihirisha katika michezo 11 ya ligi kuu nchini England baada ya kushinda michezo 10 na kutoka sare mchezo mmoja dhidi ya Everton.

Mchezo wa jana ulianza kwa kasi lakini man C walicheza kwa mipango zaidi na dakika ya 19 Fernandinho alimpasia Kevin de Bruyne na kuwapunguza mabeki watatu wa Arsenal na kumchungulia Petr Cech kisha kupiga shuti upande wa kushoto wa kipa huyo na kuandika goli la kwanza.

Mpaka mapumziko Man C 1 – 0 Arsenal.

Sergio Aguero alifunga goli la pili kwa njia ya penati dakika ya 50.

Arsenal kupitia kwa Alexandre Lacazette dakika ya 65 walipata goli la kufutia machozi baada ya kazi nzuri ya Aaron Ramsey.

Dakika ya 74 Gabriel Jesus alimalizia kazi ya David Silva na kuhitimisha ushindi huo mnono ambao ni mwendelezo wa Matokeo kwa timu ya Man City.

Kwa Matokeo

ya jana City imefikisha pointi 31 na kuziacha Man U na Tottenham zikiwa na pointi 23 kila moja huku Chelsea wakiwa nafasi 4 kwa pointi 22.   Millionaire  Ads

Share :

Facebook Twitter Google+